100nçe yıl Cömhüriyät velosiped turı
100nçe yıl Cömhüriyät velosiped turınıñ Sivas-Amas’ya êtabı başlandı
Türkiyä (Төркия) Cömhüriyäteneñ 100 yıllığına bağışlanıp oyıştırılğan säfär Sivas Atatörek häm kongress muzeyı aldınnan başlanıp kitte.
Turda qatnaşuçı velosipedçılar säxnägä çığıp qatnaşu yazuın imzaladı häm taqım bularaq fotoğa töşte.
Biredä oyıştırılğan tantanada çığış yasawçı Sivas vilayäte başlığı (gubernatorı) Yılmaz Şimşäk Sivasnıñ Ğazıy Mostafa Kemal’ Atatörekne häm qoral iptäşlären 108 kön buyı üzendä qabul itkän häm Cömhüriyätneñ nigezläre salınğan möhim şähär buluın äytte.
Möhim mäğ’näle çaranı qabul itüdän şat buluların belderüçe Şimşäk: "Däwlät başlığıbıznıñ ximäyälärendä Cömhüriyätebezneñ 100 yıllığına bağışlap oyıştırılğan Sivastan Änkarağa yasalaçaq 785 çaqrımlıq säyäxät bik küp tarixi häm mädäni baylıqlarıbıznıñ êzennän baru mömkinlegen tudıraçaq”, - dide.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä