Afinada tarixi mäydannar töşke säğat'lärdä yabıla
Tarixi urınnarda êşläwçelär häm turistlarnı saqlaw maqsatınnan iñ êsse säğat'lärdä yabu qararı çığarıla
Greśiyädä êsse hawa dulqını arqasında başqala Afinada barlıq tarixi mäydannarnı töşke säğat’lärdä yabu qararı çığarıldı.
Greśiyä mädäniyät ministrlığınnan yasalğan belderügä qarağanda, qararnı xezmätkärlär belän turistlarnı yuğarı temperatura täêsirennän saqlaw maqsatınnan qabul itkännär. Akropol’ häm başqa tarixi mäydannar yäkşämbegä qadär säğat’ 12 belän 17:30 arasında yabıq bulaçaq.
Meteorologiyä idaräse mäğ’lümatlarına qarağanda, "CLEON" dip atalğan häm böten ildä xakimlek itüçe êsse hawa dulqını säbäple başqala Afinada temperatura +40 gradusqa qadär citte, şimbä häm yäkşämbe könne isä +44 buluı kötelä.
Afinada 14nçe iyül’dä dä temperatura +43 gradusqa qadär kütärelde häm tarixi Akropol’gä kerü säğat’ 12dän 17gä qadär yabıq ide.
Bäyläneşle xäbärlär
Muzeyğa kilüçelär sanı artqan
4 ayda Nävşähärdäge Görämä açıq hawa muzeyında 275 meñnän artıq turist kilgän
