Robot Sofiya Antaliyada tanıtıldı

Soğud Ğaräbstanınnan watandaşlık alğan häm pasportı bulğan berençe robot Sofiya Antaliyada tanıtıldı.

Belektäge “Digiverse” ğaläm üzägenä kiterelgän robot Sofiya törle çaralarda qatnaştı.

Sofiya başta jurnalistlarnıñ sorawlarına cawap birde.

Jurnalistlar belän törekçä söyläşkän Sofiya “Türkiyä häm Antaliyane oşattıñmı?” sorawına tübändägeçä cawap birde:

“Bu êsse hawağa iyäläşü awır bulsa da, mölayım keşelär belän oçraşırğa kildem Antaliyağa. Türkiyäneñ matur qıyaların yarattım. Ayıruça Antaliyaneñ plyajların. Biredä bulu iskitkeç söyenderä. Türkiyädä bulsam, Antaliyada yäşärgä telär idem. Qoyaşlı hawası häm diñgeze öçen. Antaliyaneñ iskitkeç qultıqları, hawası häm qunaqçıl keşelären härkemgä kiñäş itä alam. Türkiyä – iskitkeç il. Matur urınnarı, qunaqçıl keşeläre läzzätle aş-suları öçen härkemgä kiñäş itäm.”

Üzäk ğomum mödire Färidä Uygur Antaliyada dön’yanıñ berençe häm berdänber aksessuarsız 3D sanlı ğaläm platformasın qoruların, aldınğı texnologiya belän ilne tanıtuğa häm iqtisadqa öleş kertülären belderde.

Sofiya annarı üzäktäge DJ çarasında qatnaştı. Robot belän qızıqsınğan watandaşlar Sofiya belän räsemgä töşte.

Sofiya Gonkongtağı “Hanson Robotics” şirkäte tarafınnan yasalğan ide.