Arda Güler İspaniyada

İspaniyaneñ “Real Madrid” klubına küçkän törek futbolçısı Arda Güler Madridka kitte.

Maxsus oçqıç belän İstanbuldan Madridtağı Baraxas Adol’fo Suares isemendäge hawa mäydanına kilgän Ardanı “Real Madrid”tan ber citäkçe häm klub televideniyese qarşı aldı.

Madridka töşep utırğan oçqıçta Arda yanında ätise Ümit Güler, änise Serap Güler häm qayber yaqınnarı da bar ide.

“Real Madrid” klubı Arda Gülerne küçerü öçen Fenerbahçe klubı belän kileşü tözüen, törek futbolçısı belän 6 sezonlık kileşüneñ imzalanaçağın citkergän ide.

Ardanıñ Madridta sälamätlege tikşerelde. Futbolçı irtägä Türkiyä sägäte belän 13.00tä “Real Madrid”nıñ sport qorılmaları bulğan “Real Madrid Sportiv şähäre”ndä matbuğatqa tanıtılaçaq.

Arda “Real Madrid”nıñ sezonnan aldağı äzerlek şähärçegenä baraçaq.

“Real Madrid” "Soccer Champions Tour" isemle turnirda Milan, Mançester Yunayted, Barselona häm Yuventus taqımnarı belän oçraşaçaq.