Muğlağa bıyıl 5 ayda kilgän çit il turistları
Türkiyäneñ iñ yaratılğan turizm märkäzlärennän berse bulğan Muğlada yılnıñ berençe 5 aylıq çorında yal itkän çit il turistlarınıñ yartısınnan kübrägen inglizlär täşkil itte
Tabiğıy maturlıqları häm borınğı şähärläre belän iğ’tibarın cälep itüçe häm qunaqxanäläre belän 350 meñ keşe sıydırışlı Muğla bıyıl da küp sanda cirle häm çit il turistın qabul itä.
Bodrum, Marmaris häm Fäthiyä kebek mäşhür marşrutlarğa iyä töbäkne saylap alğan turistlar arasında inglizlär yänä berençe urında.
Mädäniyät häm turizm vilayät mödire Xösäyın Toprak, şähärgä kilgän qunaqlarnı iñ yaxşı räweştä qabul itülären belderep:
"1nçe ğıynwar’-31nçe may çorında şähärgä kilgän turist sanı 585 meñ 108gä citte. Monıñ 306 meñ 312sen inglizlär täşkil itte. İnglizlärdän soñ iñ küp turist 50 meñ 364 keşe belän Rusiyä, 37 meñ 405 keşe belän Pol’şa, 29 meñ 702 keşe belän Germaniya, 19 meñ 17 keşe belän Niderland häm 142 meñ 308 keşe belän başqa illärdän kilgän turistlardan tora,” – dip äytte.
Toprak çit il turistlarınıñ artuın kiläse aylarda däwam itüen kötülären belderde.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
