Romantik cırçı Tom Odell qabat İstanbulğa kilä

Uzğan yıl İstanbulda konśert quyğan Britaniyä cırçısı Tom Odell, fanatlarınıñ telägen isäpkä alıp, bıyıl qabat Türkiyägä kilä. Bu turıda yazmaça belderü yasaldı. Aña qarağanda, Odell 24nçe iyün’dä çığış yasayaçaq. Britaniyä sänğat’çesennän alda ul könne säxnägä başta İstanbulnıñ indi-êlektron törkeme “Hedonutopia” häm rêp-trêp stilendä çığış yasawçı Mavi çığaçaq.

Tom Odell üzeneñ Êlton Djon, Leonard Koên häm Bob Dilan şikelle muzıkantlardan ilham aluın söyli. Ul “Another Love” (Başqa mäxäbbät) cırı belän tanıldı. Avtor häm başqaruçınıñ kübräk xisçän häm romantik melodiyälärgä östenlek birelgän berençe al’bomı "Long Way Down" (Asqa taba ozın yul) 2013nçe yılda çıqtı.

Täwge al’bomı belän BRİT büläkläre alğan 32 yäş’lek sänğat’çe xäzergä qadär 5 studiyä al’bomı häm 20dän artıq singl yazdırdı.

Tom Odell Änkara häm İstanbuldağı canatarları belän axırğı tapqır uzğan yılnıñ iyülendä oçraştı.