Misırda mumiyäläw ostaxanäläre tabıldı

Misırnıñ Giza şähärendä urnaşqan tarixi Sakkara rayonında Ptolemey dinastiyäse häm 30nçı firğawen dinastiyäsenä qarawçı äsärlär tabıldı.

Cirlektä uzdırılğan qazınularda keşe häm xaywannarnı mumiyäläw öçen qullanılğan ostaxanälär, qaber häm häykällär belän balçıq çülmäk kisäkläre çığa.

Misır borınğı äsärlär yuğarı şurası ğomum särqatibe Mostafa Väziri äytüençä, ostaxanälär keşelärne häm izge dip sanaluçı xaywannarnı mumiyäläw öçen qullanılğan. Anda arxeologlar älege êş öçen qullanıluı uylanıluçı balçıq sawıtlar häm başqa kiräk-yaraq taba. Monnan tış, ritual’ çülmäklär dä kürenä.

Sakkara arxeologik mäydanınıñ mödire Sabri Faraj isä yaña tabılğan qaberlärneñ Misırnıñ borınğı patşalığınnan yuğarı däräcäle ber wäqalätle häm Yaña patşalıqtağı ruxanineke buluın belderde.