Meñnärçä yıl yäşerenep yatqan şähärlär

Gvatemalada djunglida tarixı bezneñ êrağa qadär 1000nçe yıllarğa qadär barıp totaşuçı yözlärçä borınğı mayya şähäre tabıldı. Amerika Quşma Ştatları belän Gvatemala belgeçläre “Washington Post” gazetına interv’yuda 177 çaqrımlıq yullar belän ber-bersenä totaşqan 417 qala açuların citkerde. Alar yaqınça 3 meñ yıllıq.

Bu açış tarixçılarnı antik mayya śivilizaśiyä turında belgännären qabat küzdän kiçerergä mäcbür itä.

“Washington Post”ta yazılğança,  yul häm şähär çeltärläre, sulaw sistemaları häm awı xucalığı asqorması Üzäk Amerikada yäşägän xalıqlarnıñ uylanğannan tağın da alğa kitkän buluın kürsätä.

Quyı urmannar êçendä meñnärçä yıl yäşerenep yatqan qorılmalarnıñ zamança radar texnologiyäse belän açıqlanıp katrağa töşerelüe Amerika qıytğasınıñ tarixın üzgärtergä mömkin.