Türkiyädän 2024nçe yılğı Olimpiya uyınnarında qatnaşuçı berençe sportçı bilgele
Kaan Kigen Özbilen 45nçe Barselona marafonında öçençe buldı häm Olimpiya uyınnarında qatnaşu xoquqı yawladı
2024nçe yılda uzaçaq Parij Olimpiya uyınnarı öçen törle sport törlärendä kvota köräşe däwam itä.
Türkiyä isemennän berençe söyeneçle xäbär ciñel atletlardan kilde.
45nçe Barselona marafonında Türkiyä danın yaqlawçı Kaan Kigen Özbilen yarışnı 2 säğat’ 5 minut 37 sekundta tögälläp öçençe urınnı aldı. Şulay itep, ul Olimpiya uyınnarında qatnaşı xoquqı yawladı.
Kaan Kigen Özbilen Türkiyädä 2024nçe yılğı Parij Olimpiya uyınnarına baruın garantiyägä alğan berençe sportçı.
Barselona marafonında Baxreynnan Marius Kimutai rekord qırıp finişqa 2 säğat’ 5 minut 6 sekundta kilde häm berençe urınnı yawladı. Ul, şulay uq, ile isemennän Olimpiya uyınnarında qatnaşu xoquqı da aldı.
Marokkodan Osman Äl-Kumri isä yarışnı 2 säğat’ 5 minut 12 sekundta uzıp ikençe buldı.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
