"Äl - Nasr" Ronaldu belän kileşü tözede

Soğud Ğaräbstanınıñ “Äl Nasr” taqımı portugaliyäle futbolçı Kriştianu Ronaldunı üz komandasına aldı.

Klub belderüendä äytelgänçä, irekle uyınçı statusındağı Ronaldu belän kileşü tözelde.

Soğud Ğaräbstanı matbuğatında kileşüneñ 2 yılğa tözelüe häm 2025 nçe yılğa qadär däwam itäçäge , Ronaldunıñ yıllıq xezmät xaqınıñ 75 million yevro bulaçağı turında yazdılar. Täcribäle futbolçınıñ yıllıq xezmät xaqınıñ kommerśiya kileşüläre belän 200 milion yevroğa citäçäge alğa sörelde.

 37 yäş’lek Kriśtianu Ronaldu “Mançester Yunayted”,”Real Madrid”,”Yuventus” öçen uynadı.

Yıl futbolçısına birelgän “Altın tup” (Ballon d'Or ) bülägenä 5 tapqır iyä bulğan Ronaldu 30 dan artıq, şul isäptän 5 UEFA çempionnar ligasında, Angliya, İspaniya häm İtaliya ligalarında 7 tapqır çempion bulu bäxetenä ireşte.

Kar’yerasında 800 gol kvotasın uzıp, 5 Dön’ya kubogında gol kertkän berdänber uyınçı bulğan Kriştianu Ronaldu Portugaliya cıyılma komandası öçen uynağan 196 matçta 118 tup kertte.