Ärdoğannıñ Ronaldu turındağı süzläre dön'ya matbuğatında

Türkiyä ilbaşı Räcäp Tayyip Ärdoğannıñ Portugaliyäle tanılğan futbolçı Kriştianu Ronaldu turındağı süzläre dön’ya matbuğatında kiñ urın aldı.

Ul yäş’lär belän oçraşuda “Ronaldumı, Messimi?” digän sorawğa: “Ronaldunı sarıf ittelär. Ronaldunı, qızğanıçqa, säyäsi sankśiyägä duçar ittelär. Fälästin däğ’wasın yaqlawçı şäxes ul Ronaldu” dip cawap birde. Älege süzlär dön’ya matbuğatında zur qaytawaz kiterep çığardı.  

Angliyäneñ “Daily Mirror” gazetı Ärdoğannıñ “Ronaldu säyäsi sankśiyägä duçar buldı” cömläsen başçağa çığardı.

İtaliyäneñ sport gazetı “Corriere Della Sport” ta Ronaldunıñ Fälästin däğ’wasın yaqlawı turındağı süzlärgä iğ’tibarnı cälep itte. Basma ilbaşı Ärdoğannıñ futbol belän bäyle ütkänen dä xäterlätte.

Portugaliyäneñ sport gazetı ABOLA ilbaşı Ärdoğannıñ Ronalduğa teläktäşlegen assızıqlawçı xäbärdä “Ronalduğa Türkiyä ilbaşı teräk bula” dip yazdı.

Ärdoğannıñ süzläre İspaniyä matbuğatında da kiñ çağılış taptı. “Marca” gazetı anıñ “Ronaldu Dön’ya Kubogında säyäsi sankśiyä qorbanı” süzlären alğı bitkä çığardı. Xäbärdä “Türkiyä ilbaşı portugaliyäle yoldıznı yaqladı” diyelä.