Nusrät FİFAda krizis kiterep çığardı
FİFA wäqalätleläre aşçınıñ niçek futbol qırına kerüen tikşerä
Argentinanıñ çempion qaluı belän tögällängän 2022nçe yılğı Dön’ya Kubogında final sıbızğısınnan soñ tanılğan törek aş-su ostası häm restorannar çılbırı xucası Nusrätneñ futbol qırına kerüe FİFAda krizis kiterep çığardı. Oyışma wäqaläte bulmağan qayber keşelärneñ niçek qırğa kerüen tikşerä başladı.
Toz sibü xäräkäte belän mäşhür bulğan Nusrät Gökçä Argentina belän Franśiyäneñ final matçınnan soñ stadion urtasında futbolçılar häm Dön’ya kubogı belän fotoğa töşte. Bu FİFAnıñ iğ’tibarın cälep itä. Anıñ ber wäqalätlese BBCgä interv’yusında bolay di: “Qayber keşelärneñ kubok tantanasınnan soñ röxsäte bulmağan kileş qırğa niçek çığa aluın açıqlaw öçen tikşerenü başlandı. Anıñ näticäsendä tiyeşle çaralar küreläçäk”.
FİFA qağıydäläre nigezendä, kuboknı barı turnirda ciñüçelär, FİFA wäqalätleläre häm däwlät başlıqları arasınnan saylanğan ber törkem keşe genä tota ala.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
