Dön’ya kubogı 36 yıldan soñ Argentinada
Argentinanıñ cıyılma komandası tuğan yağına qayttı
Dön’ya kubogı 36 yıldan soñ Argentinada.
Mäydannarnı tutırğan millionnarça canatar çempion taqımın şatlanıp qarşı aldı.
Argentinanıñ cıyılma komandası utırğan oçqıç tönlä Ezeiza aêroportına barıp citte.
Oçqıçtan berençe itep komanda kapitanı Lionel’ Messi çıqtı.
Yoldız futbolçı dön’ya kubogın kütärep, üzlären kötüçelärne sälamläde.
Annarı çempion Argentina milli taqımı şähär turına çığu öçen öste açıq avtobuska utırdı.
Avtobus meñnärçä canatar arasında äkren bardı.
Keşelär dön’ya kubogı öçen söyenep, biyede, cırlar cırladı.
Qotlawlar köne buyı başqala Buênos-Ayresnıñ simvolı bulğan Obelisk mäydanında däwam itte.
Biregä millionnarça keşe bayraq kütärep, futbol forması kiyep kilde.
Qotlawlarda matur bulmağan küreneşlär dä buldı.
Argentinalı ber canatar küperdän futbol komandası utırğan avtobus östenä sikerde.
Canatar cirgä kilep töşkännän soñ iminlek köçläre avtobusnı tuqtattı.
Argentina Futbol Federaŝiyase başlığı açıqlaw yasap, avtobus turınıñ ğamäldän çığarıluın belderde.
Annarı boralaqqa utırğan argentinalı futbolçılar xalıqnı kük yözennän sälamläde.