Bıyıl Antaliyägä kruiz köymäläre belän 30 meñnän artıq yulçı kilde

Antaliya portı bıyıl kruiz köymäläre belän kilgän 30 meñnän artıq yulçını qabul itkän.

Bu xaqta “QTerminals Antalya” xäbär itä.

Sezon däwamında zinnätle köymälär belän kilgän qunaqlarnı qabul itkän port sezonnı yaptı häm bıyıl biregä kilgän yulçı sanınıñ 30 meñ 641 buluın açıqladı.

 “QTerminals Antalya”nıñ ğomum mödire Özgür Sert portnıñ yuğarı sıydırışlığı belän Urta diñgezdä êçke häm çit il turizmı cähätennän möhim rol’ uynawın belderde.

Özgür Sert uzğan yıl global’ êpidemiya arqasında 4 köymä belän barı tik 1 meñ 413 yulçı qabul itülären, bıyıl isä portqa 26 säyäxät yasalğanın iskärtte.

Ul kiläse sezonda kürsätkeçlärneñ tağın da yaxşı bulaçağına ömetlänülären dä äytte.