Türkiyäneñ küz qamaştırğan Munzur milli parkı

Tuncälidä urnaşqan Munzur ineşe çista suı belän görläp ağa häm bu ineş meñlägän törlär öçen möhim yäşäw urını bulıp tora.

Taw başınnan aqqan çista su bu ineşne tuyındıra häm bik matur töslär çağılışı barlıqqa kiterä.

Bu üzänneñ zäñgär häm yäşel tösläre iskitkeç.

Älege üzändäge tabiğat’ ağaçları, suı häm törläre belän ğacäpkä qaldıra.

Töbäktä yäşäwçelär öçen bu üzänlek ata-babalar mirasınıñ yäşäwen häm saqlanuın añlata.

“Munzur ineşe häm üzänlege - töbäk xalqı öçen yäşäw çığanağı. Keşelär yıl däwamında küpçelek waqıtların bu üzänlektä piknik yasap, yözü häm sport belän şöğıl’länäp ütkärälär. Rafting soñğı 15 yılda töbäk keşeläre öçen möhim sport törenä äylängän. Bu sport töre belän milli häm xalıqara qızıqsınu yıldan –yıl arta” - di sport trenerı Ali Äkräm Canpolat.

Şähärneñ mäşäqät’le tormışınnan qotılırğa teläwçelär öçen bik yaxşı urın bulğan üzän şul uq waqıtta qurqu belmäwçelärne dä üzenä cälep itä.

Bu üzänlektä 35 çaqrım ozınlığındağı ağımsu rafting parkurı da bar.

2019 nçı yılda Türkiyädä täwge tapqır oyıştırılğan Bötendön’ya rafting çempionatı Munzurda uzdı.

Munzur milli parkı – Anadolunıñ iñ matur tabiğat’ poçmaqlarınıñ berse.

Türkiye üzänne kiläçäk buınnar öçen saqlaw häm biregä kilüçelär öçen iğ’tibarnı cälep itüçe global’ üzäk itü östendä êşläwen däwam itä.