Waşingtonda Törek festivalenä zur qızıqsınu
Amerika Quşma Ştatları başqalası Waşingtonda oyıştırılğan Tradiśion törek festivale zur iğ’tibar cıydı
Waşington törek-amerikan cämğıyäte (ATA-DC) tarafınnan här yıl daimi bularaq ütkärelep kilüçe Törek festivale bıyıl Kongress binası aldındağı Pensil’vania prospektında uzdı.
Waşingtonnıñ küp sandağı muzeyı da urnaşqan töbäktä oyıştırılğan festival’dä törek mädäniyäte belän aş-sularınıñ kürenekle ürnäkläre tanıtıldı.
Festival’dä Türkiyädän kilgän biyü ansambleneñ çığış yasawı belän ber rättän fol’klor törkemeneñ tamaşası zur iğ’tibar kürde. Tradiśion qıyafätläre belän säxnägä çıqqan xalıq biyü kollektivı tamaşaçılarnıñ alqışlarına kümelde.
Ğosmanlı-törek mädäniyäten çağıldırğan êşlänmälär täq’dim itelgän stendlarğa zur qızıqsınu bulıp, çarağa kilüçelär quldan êşlängän törek kelämnären, tradiśion ğosmanlı qıyäfätlären häm fayanslarnı yuğarı bäyäläde.