İrannıñ Bob Dilanı Törkiyägä kilä

Amerikanıñ “New York Times” gazetı “İrannıñ Bob Dilanı” dip atağan Moxsen Namju häm ansamble Törkiyädä 5 konśert quyaçaq.

Farsı-blyuz janrına nigez salğan sänğat’çe rok häm djaznı tradiśion İran muzıkası belän berläşterä. Ul 2nçe dekabr’dä İstanbulda, 3sendä Bursada, 7nçe dekabr’dä başqala Änkarada, 8endä Kon’yada häm 10nçı dekabr’dä Vanda säxnägä çığaçaq.  

Sänğat’çe İranda tuıp-üsä, Tähran universitetında teatr häm muzıka beleme ala.

Moxsen Namju xäzerge waqıtta Amerika Quşma Ştatlarınıñ Stênford universitetında muzıka professorı, 2 kitap avtorı. Ber ük waqıtta ul säxnä êşçänlegen dä taşlamıy. Moña qadär Namju 17 al’bom çığardı. Bıyıl anıñ tağın 4 al’bomı dön’ya küräçäk.