Qıtayda - törek kähwäse

Qıtay başqalası Pekinda törek kähwäsen tanıttılar. Çaranı Yunus Ämrä institutınıñ älege şähärdäge filialı oyıştıra.  Anda tarmaq wäkilläre häm älege xuş isle êçemlekne söyüçelär qatnaştı.

Çarada, qarşılaw häm açılış çığışınnan soñ, Törkiyädä kähwäneñ tarixı, anıñ sośial’ tormıştağı häm keşelär arasındağı mönäsäbätlärdä role bäyan itelüçe tanıtu buldı.  Monnan tış, törek kähwäseneñ niçek äzerlänüe, orlıqların tarttıru häm qaynatu öçen qullanıluçı cihazlar, täq’dim itü ısulları turında da mäğ’lümat birelde.

Pekindağı Yunus Ämrä institutı mödire Tayfun Kalkan beldergänçä, çaranıñ maqsatı - törek kähwäsen Qıtayda da mäşhür itü. Moña oxşaş tanıtularnı törle festival’lär häm kürgäzmälärdä qabatlap älege êçemlekneñ kibet kiştälärendä, menyularda häm öylärdä tağın da kübräk urın aluına ireşmäkçe bulalar.