Törkiyä Urta diñgez uyınnarında berençe

Oran şähärendä 25nçe iyün’dä başlanıp kitkän uyınnarnıñ 7nçe köne tämamlandı. Törkiyä çarada “iñ küp medal’” häm “iñ küp altın medal’” alğan könne yäşäde.

Törkiyä cide könneñ axırında 33 altın, 16 kömeş, 23 bronza tuplam 72 medal’ belän ğomum isemlektäge berençelegen saqlap qaldı.

19nçı Urta diñgez uyınnarında milli ştangaçı Färdi Hardal tartıp aluda 124 kilo häm kütärep aluda 153 kilo belän altın medal’ qazanğan bulsa, milli boksyorlar Busänaz Sürmänäli xatın-qızlar arasında 66 kiloda, Haticä Aqbaş xatın-qızlar arasında 54 kiloda, Batuhan Çiftçi isä irlär arasında 57 kiloda altın medal’gä layıq buldı.

Milli yözüçe Bärkay Öğrätir irlär arasında 200 metr kükräk östendä yözüdä altın medal’ alğan bulsa, Däniz Ärtan xatın-qızlar arasında 400 metr individual’ qatnaşmada 4.40.97 däräcäse belän ikençe buldı. Märvä Tuncäl isä xatın-qızlar arasında 200 metrda bronza medal’ aldı.