TRT Ğomum mödire Sobacıdan Awrupa teleradiokompaniyälärenä terrorçılıqqa qarşı toru çaqıruı

Awrupa tapşırular berlege (European Broadcasting Union – EBU) TRT tarafınnan qabul itelgän 41 ildän yaqınça 200 yuğarı däräcäle teleradiokompaniya wäkile qatnaşında oyıştırılğan Media sammitında cıyıldı. Yuğarı däräcäle oçraşuda çığış yasawçı TRT Ğomum mödire Sobacı: “Global’ terrorçılıq belän iñ köçle köräşne alıp baruçı Törkiyäneñ däwlät teleradiokompaniyası bularaq terrorçılıqnıñ çığanağı häm maqsatı nindi genä bulmasın bergäläşep qarşı toru ölkäsendä nıq xezmättäşlekkä çaqırabız,” - dide.

TRT dä äğ’za bulıp torğan EBU wäkilläre pandemiya arqasında ike yıldan soñ täwge tapqır yözgä-yöz oyıştırılğan çarada oçraştı. TRT tarafınnan İstanbulda qabul itelgän EBU Media sammitında TRT Ğomum mödire Mäxmät Zahid Sobacı häm EBU Ğomum direktorı Noel Curran belan ber rättän 41 ildän yaqınça 200 yuğarı däräcäle teleradiokompaniya xezmätkäre qatnaştı. İke kön däwam itäçäk çarada däwlät teleradiokompaniya êşçänlegeneñ kiläçäge, köräş alıp barıluı zarur awırlıqlar, yaña awışlıqlar häm yäş’lärgä ireşelä alınırlıq kebek küp sanda tema bäxäsläşeläçäk.

“İlbaşıbıznıñ “Dön’ya biştän zurraqtır” şiğare barıbıznıñ urtaq häm ışanıçlı kiläçäkkä salınaçaq berdänber kapital salunıñ nigeze”

Yuğarı däräcäle oçraşunıñ açış çığışın yasawçı TRT Ğomum mödire Mäxmät Zahid Sobacı ozaq aradan soñ yözgä-yöz uzdırılğan 2022 EBU Media sammitın qabul itüdän bik şat buluların belderde. Tradiśion qıymmätlärebez bulğan tarafsızlıq, ğadellek häm xaqıyqät’ kiläçäkneñ sanlı mediasınıñ da üzgärmäs standartları buluı zarurlığına basım yasawçı Sobacı: “Şuşı maqsattan çığıp EBU äğ’zaläre bularaq ğadättäge berdämlek ruxı êçendä, tağın da xozurlı kiläçäk häm ber ük waqıtta teleradio  mädäniyäteneñ bayuı öçen urtaq häm icadi iniśiativalar belän xezmättäşlegebezne köçäytep kiñäytüne däwam itäçägebezgä şiklänmim. Şunı onıtmıyq: bergä bez tağın da köçleräk,” – dip äytte.

Sobacı xäzerge waqıtta iñ ähämiyätle global’ media aktyerlarınnan bersenä äwerelgän TRTneñ 18 televizion, 17 radio kanalınnan tış, 9 śifrlı platforması, śifrlı programmaları, milli häm xalıqara däräcädä küp törle çaraları belän ildä tapşıru liderı poziśiyäsen totrıqlı räweştä saqlawın citkerde.

TRT ğomum mödire bolay dip däwam itte: “Bez keşelärne häm urınnarnı ayırmıyça, dönyanı böten bularaq kürergä, här keşeneñ qıymmätle buluın uylarğa, kürmämeşkä salışunıñ çişeleş tügellegen añlarğa tiyeş. İlbaşıbız xörmätle Räcäp Tayyip Ärdoğannıñ xalıqara platformalarda yış äytä torğan “Dön’ya biştän zur” şiğare tağın da ğadel global’ sistema tözüneñ devizı, barıbıznıñ urtaq häm imin kiläçäge öçen yasayaçaq berdänber investiśiyäseneñ rezyümese. Çönki Törkiyä bügen dönyanıñ tınıçlıq nigeze bulğan iñ kritik xalıqara mäs’älälärdä liderlar oçraşa torğan, dönya yaxşı xäbärlär kötä torğan, mädäni oçraşular häm çişeleş täq’dimnäre uylap tabıla torğan siräk däwlätlär arasında urın ala. Bu nisbättän EBU da ähämiyät birä torğan tema bularaq yäş’lär häm ictimağıy tapşırular mönäsäbätenä östenlek birüçe, alarnıñ global’ mäs’älälärgä qaraşı häm çişeleş täq’dimnären açıqlawçı êşçänleklär alıp barabız”.

Sobacı TRTneñ xalıqara xäbär platformaları turında da söyläp bolay dide: “TRT bularaq, bez bügenge köndä  televideniye häm radio kanalları, sanlı platformalar yärdämendä dön’yanıñ 7 qıytğasına 41 teldä häm şivädä (dialektta) tapşırularıbıznı citkeräbez. TRT WORLD belän berrättän, TRT Almança, TRT Rusça, TRT Ğaräpçä sanlı platformalarına  küptän tügel  TRT Franśuzçanı da östäp, xalıqara tapşırular ğailäseneñ iñ yaña äğ’zasınıñ oyışuın bilgeläp üttek. Monnan tış, Afrika, Balkan häm Farsıça sanlı xäbär platformaların açu östendä êşläwebezne däwam itäbez”.  

”Terrorçılıqnıñ çığanağına häm maqsatına qaramastan ,bez aña qarşı toruda nıqlı xezmättäşlekkä çaqırabız”

Krizislar, problemalar häm üzgäreşlärne  śifrlaştıru barışınnan bäysez räweştä uylaw mömkin tügellegenä basım yasawçı Sobacı Awrupa tapşırular berlegeneñ Media sammitında tarixi çaqıru yasadı. “Bez,däwlät teleradiokompaniya xezmätkärläre–mäğ’lümatnı pıçratuğa, xalıqqa yünäleş birü, aña täêsir itü maqsatınnan êşlängän maxsus operaśiyälärgä häm dezinformaśiyägä qarşı böten köçebez belän köräşäçäk möhim keşelär, oyışmalar. Däwlät teleradiokompaniya wäkilläre bularaq  bezneñ cawaplılığıbız monıñ belän genä çiklänmi. Bez radikal’läşü, keremnär tigezsezlege, global’ terrorçılıq, kiber qurqınıçsızlıq häm êkologik problemalar turında cämäğät’çelekne xäbärdar itärgä tiyeş. Global’ terrorçılıqqa qarşı iñ köçle köräşüçe Törkiyäneñ däwlät teleradiokompaniyäse bularaq, terrorçılıqnıñ çığanağına häm maqsatına qaramastan aña qarşı toru öçen nıqlı xezmättäşlek itärgä çaqırabız” dide TRT ğomum mödire Mäxmät Zahid Sobacı.

“Törkiyä Amerikadan soñ serial êksportında ikençe urında”

TRTneñ serial häm urtaq materiallarnıñ uñışı belän ŝifrlı êşçänleklär xaqında oçraşuda çığış yasawçı Sobacı tübändägelärne citkerde:

“TRT seriallarına kürsätelgän dönyaküläm qızıqsınuğa iğtibar cälep itärgä telim. Törkiyä Amerikadan soñ serial êksportında ikençe urında. Bu uñışta kompaniyabıznıñ bar dönyağa serial satışları ölkäsendäge êşçänlekläreneñ zur öleşe bar. Seriallarıbız, urtaq räweştä töşerelgän fil’mnarıbız häm mul’tfil’mnarıbız küp taläp kürä. Kiläse aylarda xalıqara TRT sanlı video platformabıznı tormışqa aşıru öçen êşçänleklärebezne alıp barabız. Bu ŝifrlı platforma häm äzerlänäçäk yaña materiallar şul uq waqıtta Awrupa tapşırular berlege äğzaläre belän tormışqa aşırıla alınaçaq urtaq materiallar belän ber rättän Awrupa tapşırular berlegeneñ pre-buy network tudırğan mömkinleklär häm xezmättäşlek forsatlarınnan kübräk faydalana aluıbıznı täêmin itäçäk. TRT kizü waqıtında Awrupa tapşırular berlege “Content Appeal” iseme astında başlatqan häm äğzalär tüläwsez programma täêmin itä alğan quşımtağa dokumental’ fil’m, drama kebek törle êçtäleklär belän öleş kertte. Şulay uq TRT kino ölkäsendä dä xalıqara xezmättäşleklärne könnän-kön tağın da aktiv xälgä kiterä. Soñğı 3 yılda TRT fil’mnarı Kann, Berlin, Karlovı Varı, Veneŝiya, San-Sebast’yan, Varşava häm Lokarno kinofestival’läre belän 300dän artıq milli häm xalıqara çaralarda yaqınça 275 büläk aldı. TRT ayıruça Xalıqara kinofestival’lärdä tapşırıluçı TRT maxsus büläkläre, korporativ partnyerlık häm çaralar belän dä bu ölkädäge partnyerlık häm xezmättäşleklärgä zur öleş kertä.”

Oçraşuda çığış yasawçı Awrupa tapşırular berlege ğomüm mödire Noel’ Kurran isä Törkiyä teleradiokompaniyase TRTğa bu iskitkeç çara häm cılı qarşı alu öçen räxmäten belderep: “Bergä bulu bezneñ öçen bik möhim. Bu uñaydan TRT belän xezmättäşlegebezneñ dä artuın ömet itäbez,” – dide.

Awrupada ictimağıy tapşıru oyışmaların bergä oçraştıru maqsatı belän qorılğan Awrupa tapşırular berlege dönyadağı tapşıru berlekläreneñ iñ aldınğılarınnan berse bulıp tora.