Troya muzeyı Awrupa muzeyları kiçäsendä

Bıyıl 18nçese oyıştırılaçaq "Awrupa muzeylar kiçäse” çarasında bıyıl Çanakkalädäge Troya muzeyı da qatnaşa

1827662
Troya muzeyı Awrupa muzeyları kiçäsendä

Troya muzeyı mödire Rıdvan Gölcük Awrupa Şurası, YUNESKO (BMO mäğarif, belem häm mädäniyät oyışması) häm Xalıqara muzeylar şurasınıň (İCOM) 18nçe tapqır oyıştırğan şuşı möhim çaranıň 18nçe mayda ütkäreläçägen belderde.

Çara könendä Awrupada muzeylarnıň cirle waqıt belän säğät 23:00kä xätle açıq buluın aňlatuçı Rıdvan Gölcük:

"Törkiyä dä şuşı çarada 17 yıl qatnaşa. Bıyıl Troya muzeyı da quşılaçaq. Fäqät dönyadağı ürnäklärennän ayırmalı ber üzençälege belän qatnaşaçaq. Bez 18nçe may kiçendä Törkiyä waqıtı belän säğät 20:00 – 24:00 arasında açıq bulaçaqbız. Başqa muzeylardan ayırmabız şuşı bulaçaq. Berençedän, tönge unikegä qadär buşlay bulaçaqbız, ikençedän, muzeyğa kilüçelärebez öçen ğid belän bergä Troyada maxsus kiçä turın oyıştıraçaqbız. Tüläwsez tur bulaçaq”, - dip äytte.

Muzey baqçasında zäytün ağaçları arasında Troya rivayäte häm İl’yada dastanınnan küreneşlär bulğan, “Troya muzeyı 3D Maping” sürätlären kürsätäçäklären citkerüçe Gölcük:

"Kilüçelär belän şuşı möhim mizgelne urtaqlaşaçaqbız. Bu berençe ürnäk bulaçaq. 3D Maping (video-kartografiya, fil’m häm animaśiyalarnıň tabiğıy tuqımağa yaraşlı itep salınıp tapşırıluı) sürätenä 18nçe may könne başlayaçaqbız, fäqät yıl êçendä ayıruça tağın biş maxsus kiçä täq’dim itäçäkbez”, - dip belderde.



Bäyläneşle xäbärlär