Êlaziğta Rim çorı êzläre tabıldı
Färat yılğası da urnaşqan tarixi cirlek Paleolit däwerennän birle bik küp śivilizaśiyäne üzenä sıyındırğan
Törkiyäneñ Êlaziğ töbäge Ağın rayonında Rim çorına qarawçı 1800 yıllıq qaldıqlıar tabıldı. Anı cirlektä yäşäwçelär Balkayası awılınnan 3 çaqrım yıraqlıqtağı üzänlektä kürep ala. Anda moña qadär dä tarixi buluı uylanuçı fragmentlar oçraştırğalağan. Şuña kürä bu xaqta Fırat universitetınıñ Xarput qal’gäse qazınular delegaśiyäse başlığı, professor İsmail Aytaçqa xäbär itälär.
Belgeç cirlektä tikşerenü ütkärä häm moña qadär yazmalarda urın almağan üzänlektä Rim çorına qarawçı 1800 yıllıq êzlär barlığın bilgeli. Ul irtä xristianlıq waqıtında yış qullanılğan häm, ğadättä, ülelärne kümä torğan katakomba dip ataluçı urın, yäşeren ğıybadät qılu cire häm taş idängä uyılıp yasalğan orlıq saqlağıçları şikelle törle qorılmalar taba.
İsmail Aytaç äytkänçä, Färat yılğası da urnaşqan cirlek Paleolit däwerennän birle bik küp śivilizaśiyäne üzenä sıyındırğan. Biredäge Keban böyäsen qotqaru êşçänlege qısalarında alıp barılğan arxeologik qazınularda bezneñ êrağa qadär 6 meñ yıl êlek bulğan cirläşü urınnarı êzläre tabıla.
