Zäynetdin Zidan: Ronaldu belän Messi ber komandada uynayaçaq
Futbol söyüçelär kötkän böyek berläşü tormışqa aşarmı?
1774994
“Pari Sen-Jermen” qaraşların Zäynetdin Zidanğa yünältte. Franśuz futbol klubınıñ baş trenerı Maurisio Poçettinıñ kitüe kötelä. Şunnan soñ klub yulın Zidan belän däwam itärgä teli. Täcribäle trener üze dä berençe ligada östen çıqqan häm çempionnar ligasında uñışlı xäräkät itüçe “Pari Sen-Jermen”ğa bik cılı qaraşta.
49 yäş’lek Zäynetdin Zidan xäzer “Mançester Yunayted”ta uynawçı Kriştianu Ronaldunı üz komandasında kürergä teli. Alar monnan êlek “Real Madrid”ta ozaq yıllar bergä êşlägän ide.
Ägär Kriştianu Ronaldu “Pari Sen-Jermen”ğa transfer bulsa, klub yoldızlar alleyasına äwerelä. Futbol tarixınıñ ike legendası – Ronaldu belän Messi täwge tapqır ber komandada uynayaçaq.
Şulay itep, futbol söyüçelär kötkän böyek berläşü tormışqa aşaçaq.
