TRT fil'mnarına 107 büläk

Törkiyä teleradiokompaniyäse TRT belän bergä töşerelgän fil’mnar, uzğan yıllardağı kebek, 2021 nçe yılda da milli häm xalıqara fil’m festivallerendä qatnaşıp büläklärgä layıq buldılar.

TRT belderüenä qarağanda, uzğan yıl şundıy 31 fil’m ilküläm häm xalıqara arenada 107 büläk aldı.

Dön’yanıň tanılğan kinofestival’lärendä köç sınaşuların däwam itkän TRT belän bergä urtaq töşerelgän fil’mnar 2021 nçe yılda xalıqara festival’lärdä barlığı 44 büläk yawlap uňışların böten dön’yağa kürsättelär.

Kann, San-Sebast’yan, Lokarno, Karlovı – Varı ,Tokio, Sarayevo kinofestivale kebek möhim festival’lärdä qatnaşuçı fil’mnar xalıqara festival’lärdä dä üz isemnären işetterde.

Uzğan yıl TRT belän bergäläp yäisä anıň yärdäme belän êşlängän fil’mnar Antaliya, İstanbul, Adana, Malatya, Bosfor, Änkara kinofestival’lärendä uňışlı çığış yasap 23 büläkkä layıq kürelde.

Berençe tapqır kürsätelgän 7 fil’m 45 festival’dä köç sınaşıp 32 büläk aldı.

2021 nçe ylda dön’ya prem’yrasın yasağan fil’mnar – “İke şäfäq’ arasında”, “İzge rux”, “Qırğıy tamırlar”, “Kodokuşi”, “Torna misalı”, “Möğallim” häm “Koridor”.

TRT belän bergä êşlängän 10 fil’m dönyaküläm tanılğan 13 kinofestival’neň bergäläp citeşterü marketlarına quşılıp 8 büläk aldılar.

Awrupada Sarayevo häm Karlovı -Varı , Törkiyädä Bosfor, Antaliya häm İstanbul kinofestival’läre belän xezmättäşlegen däwam itkän Törkiyä teleradiokompaniyäse  Sarayevo häm Karlovı - Varı kinofestival’läreneň industriya büleklärendäge 3 proyektqa “TRT büläge” tapşırdı.