Kapadokiyadağı muzeylarğa häm xäräbälärgä kilüçelär kübäyde
Yılnıñ här fasılında turizm xäräkätlelege yäşängän iñ yaratılğan üzäklärdän berse bulğan Kapadokiyadağı muzeylar belän xäräbälär urınına uzğan yılda kilüçelär 2020nçe yılğa qarağanda 130%qa arttı
Päri morcaları häm tabiğıy qıya şäkellärennän torğan üzänleklär belän ber rättän qıya taşlarınnan uyılıp yasalğan tarixi çirkäwläre, kapella häm monastır’läre, cir astı şähärläre häm törle tur çaraları belän Kapadokiya cirle häm çit il turistlarınıñ iğ’tibarın cälep itä.
“Kovid-19” çaraları qısalarında 2020nçe yılda 992 meñ 620 keşe kilgän töbäktäge turist sanı uzğan yılda, 130%qa artıp, 2 million 285 meñ 895kä citte.
Töbäkkä iñ küp kilülär 428 meñ 883 keşe belän avgust ayında buldı, yıl buyı iñ küp iğ’tibar kürgän urınnardan Zälvä xäräbälär urının 645 meñ 695, açıq hawadağı Görämä muzeyın 560 meñ 379, Qaymaqlı cir astı şähären isä 321 meñ 163 turist gizde.
Kapadokiyadağı muzeylarnı häm xäräbä urınnarın ğıynwar’da 42 meñ 560, fevral’dä 50 meñ 668, martta 104 meñ 313, aprel’dä 74 meñ 458, mayda 61 meñ 634, iyün’dä 150 meñ 282, iyül’dä 370 meñ 534, avgustta 428 meñ 883, sentyabr’dä 288 meñ 213, üktäbr’dä 346 meñ 112, noyabr’dä 242 meñ 826, dekabr’ ayında isä 125 meñ 412 keşe qarağan.
Nävşähir Turist gidları palatası başlığı Özay Onur töbäkneñ cirle häm çit il qunaqları cähätennän qızıqlı turizm baylığına iyä buluına basım yasap: "2021nçe yılda kübesençä Ukraina, Rusiyä häm İndoneziyadan qunaqlarnı qabul ittek”, - dip äytte.
