3500 yıllıq mumiya açılmıyça tikşerelde
Amenxotep I neñ mumiyase texnologiya yärdämendä öyränelde
Texnologiyaneñ tarixnı yaqtırtudağı urını könnän-kön arta bara.
Bu yulı 3500 yıllıq mumiya açılmıyça didjital’ ısullar belän tikşerelde.
Misır firğawene Amenxotep I neñ mumiyase xaqında şaqtıy närsä texnologiya yärdämendä öyränelde.
Mumiyaneñ tomografiyase töşerelde häm didjital’ ısullar belän yaña mäğlümatlarğa ireşelde.
Belgeçlärgä kürä 35 yäşendä wafat bulğan Amenxotep I 169 santimetr buyında bulğan. Teşläre yaxşı saqlanğan.
Firğawenneñ iyäge tar, borını keçkenä, çäçläre bödrä häm teşläre alğa taba çıqqan bulğan.
Tuqımalar astında 30 amulet häm tiñe bulmağan altın bilbau kürelgän.
Tikşerenüdä qaberğa qaraqlarınıñ zıyan saluı da añlaşıla. Tikşerenüçelär şulay uq qaberneñ 400 yıldan soñ qabat tözekländerelüen öyrände.
Amenxotep I b.ê. qadär 1525-1504nçe yıllarda xökemdar bula.
Anıñ mumiyase 140 yıl êlek tabıldı.
