Göbäklitäpä turistlarnı qabul itä

Şanlıurfada 12 meñ yıllıq ütkäne belän tarixnıñ başlanğıçı bulıp qabul itelüçe Göbäklitäpä xäräbälären 10 ayda yaqınça 460 meñ keşe kilep kürde.

Tabılğan könnän bügengä qadär turistlarnı qızıqsındıruçı tarixi urın här yıl meñnärçä cirle häm çit il turistın qabul itä.

Şanlıurfanıñ Mädäniyät häm turizm mödire Aydın Aslan Göbäklitäpäne bu yılnıñ 10 ayında 460 meñ tiräse keşeneñ gizüen belderde.

“Bu san ike yıl êlekkegä qarağanda küpkä artıq. Kilüçelär sanı bezne ömetländerde. Kiläse yılnı tarixi xäräbälärne million-million yarım keşe kilep kürer dip uylıybız,” – dide ul.