Pikassonıñ räsemnäre aukśionda

AQŞta oyıştırılğan aukśionda tanılğan ispan rässam Pablo Pikassonıñ äsärläre satuğa çığarıldı. 9 kartina häm 2 keramik êşlänmä tulayım 100 million dollardan artığraqqa kitte.

Aukśion Las-Vegas şähärendäge ber qunaqxanädä ütte. İñ yuğarı bäyäne “Beretkalı xatın” räseme aldı. Rässamnıñ üz söyeklese Mariya-Tereza Val’ternı surätlägän älege kartinası 40 millionğa satıldı.

Pikassonıñ “İr-at häm bala” äsäre öçen 21 million dollar birdelär.

Satılğan äsärlär arasında rässamnıñ 1917nçe yıldan 1969ğa qadär yasağan räsemnäre, sızımnarı häm keramika êşläre barlığı belderelde.

92 yäşendä ülgän Pablo Pikassonıñ 13 meñnän artıq kartina yasawı farazlana.