Keşesıman robot Misırda qulğa alındı
Robotnıñ şımçı buluınnan şöbhälänälär
Yasalma aqıl texnologiyäse belän cihazlandırılğan häm dön’yadağı täwge ul’tra realistik robot-sänğat’çe Ai-Da Misırğa kürgäzmä açılışına kitkän ide. Tik tiz genä barıp citä almadı. Anı tamğaxanä xezmätkärläre totqarladı.
Angliyäneñ “Guardian” gazetı xäbärenä qarağanda, Ai-Danı, şımçılıq êşçänlegeneñ ber öleşe bula aluına şöbhälänep, 10 kön buyı tamğaxanädän çığarmıylar. Anıñ êçendä modem häm küzlärendä kamera buluı älege fikergä kiterä.
Tamğaxanä wäqalätleläreneñ qararı Misır häm Angliyä arasında diplomatik kiyerenkelekkä kiterde. Böyekbritaniyäneñ Kahirädäge ilçese alarnı aralıy.
10 kön buyı tamğaxanädä totılğan Ai-Da çärşämbe könne kürgäzmäneñ açıluına berniçä säğat’ qalğaç irekkä çığarıla.
Älege robotnı 4 yıl êlek Oksford häm Lids universitetlarınnan programmaçılar, robot belgeçläre häm psixologlardan toruçı törkem yasadı. Anıñ iseme komp’yuter programmaçılarınıñ berse, matematik Ada Lavleys häm yasalma aqılnıñ inglizçä abbreviaturasınnan barlıqqa kilä.
Bäyläneşle xäbärlär
Atnakiçen qısqa dulqında tapşırularıbız bulmayaçaq
Ul könne tapşırğıç stanśiyäsendä tözekländerü-yañartu êşläre başqarılaçaq
Göbäklitäpä häm Sümela monastırendä turizm
Ramazan bäyrämnärendä turistlar Törkiyäneñ tarixi urınnarına ağıldı