1300 yıllıq çañğılar

Norvegiyäneñ könbatışındağı Digervarden boz sözäklegendä 2014nçe yılda şuu taqtası tabılğan ide. 7 yıldan soñ tağın ber şundıy çañğı çıqtı. Arxeologlar älege tabıldıq turında: “Işanıp bulmastay açış yasadıq,”-dide.  

Digervarden boz sözäklegennän çıqqan şuu taqtasınıñ tarixtağı iñ borınğı häm iñ yaxşı saqlanğan çañğı buluın belderälär.

Berençe şuu taqtası töbäktä 2014nçe yılda, ikençese isä 7 yıldan soñ tabıldı. Açış turındağı mäqalädä çañğınıñ 187 santimetr ozınlığında häm 17 santimetr kiñlegendä buluı äytelä. Monısı 2014nçe yılda tabılğanınnan 17 santimetrğa ozınraq häm 2 santimetrğa kiñräk.

“Secrets of Ice”nıñ räsmi xäbär säxifäsendä: “Dön’yada iñ yaxşı saqlanğan çañğılarnı taptıq. 1300 yıllıq häm ikese dä yaxşı xäldä” dip yazdılar. İkençe çañğını berençesennän 4-5 metr yıraqlıqta ğına tabalar.