Törkiyädä muzey sanı 494kä citte
Törkiyä külämendä muzey sanı uzğan yılda 2019nçı yılğa qarağanda 5,8%qa artıp 494kä citte
Bu muzeylarnıñ 205e Mädäniyät häm turizm ministrlığı qaramağında, 289ı isä şäxsi muzey kategoriyasında.
Törkiyä statistika oyışması açıqlağan 2020nçe yılğı "Mädäni miras statistikası” mäğ’lümatlärenä kürä, Mädäniyät häm turizm ministrlığına bäyle muzeylardağı äsär sanı uzğan yılda annan aldağı yılğa qarağanda 0,5%qa artıp 3 million 278 meñ 114 bularaq terkälde.
Şäxsi muzeylardağı äsär sanı da telgä alınğan şuşı çorda 2%qa artıp 416 meñ 706 buldı.
Muzeylarnıñ cawaplılığındağı küçmäs mädäni milekneñ sanı uzğan yılda 2019nçı yılğa qarağanda 2,6%qa artıp 116 meñ 120 buldı.
Şul uq waqıtta Milli parklarnıñ sanı 2020nçe yılda annan aldağı yılğa qarağanda 2,3%qa, tabiğat’ parkı sanı 1,2%qa arttı.
Şuşı uq çorda tuplam milli park mäydanı 4,5%qa artıp 907 meñ 520 gektarğa citte.
Uzğan yılda tabiğat’ parkı sanı 250gä kübäygän bulsa, tabiğät’ parkı mäydanı isä 107 meñ 632 gektarğa citte.
Tabiğät’ne saqlaw mäydanı sanı 3,3%qa artıp 31 buldı.
