Ärdoğan voleybolçılarnı täbrik itte

İlbaşı Räcäp Tayyip Ärdoğan Awrupa Çempionatında bronza medal’ alğan Törkiyä xatın-qızlar voleybol cıyılma komandasın täbrik itte. Alar Serbiya başqalası Belgradta öçençelek matçında Niderlandnı 3kä 0 isäbe belän ciñde. Ay-yoldızlı  komandanıñ uñışınnan soñ Ärdoğan Törkiyä voleybol federaśiyäse räise Mäxmät Akif Üstündağ häm komanda kapitanı Êda Ärdäm Dündar belän telefon aşa söyläşte.  

Êda belän äñgämädä Törkiyä ilbaşı bronza medal’neñ dä ähämiyätle uñış buluın äytte. “Täbrik itäm. Kürsätkän tırışlığığız iñ yuğarı bäyägä layıq. Barlıq uñışlarığıznıñ däwamın kötäm,”-dide ul.

Üstündağ ta üzlärenä teläktäşlek kürsätüçe ilbaşı Ärdoğanğa räxmät belderde: “Härwaqıt bezgä şaltıratasız, yärdäm itäsez. Bik zur räxmät sezgä,”-dide Törkiyä xatın-qızlar voleybol cıyılma komandasınıñ kapitanı.