Räşit Şamkay kitep bardı
Tatar xalqınıñ yaratqan artistı 81 yäşendä baqıylıqqa küçte
Tatarstannan qayğılı xäbär kilde. Bügen 81 yäşendä Tatarstannıñ xalıq artistı Şamkayev Räşit Mirza ulı wafat buldı. Xalıqqa kübräk ul Räşit Şamkay yäisä Şamkay iseme belän tanış.
Artist 1940nçı yılnıñ 26nçı mayında Kuybışev (xäzerge Samara) ölkäseneñ Kamışlı rayonı İske Yärmäk awılında dön’yağa kilä. 1966nçı yılda ul teatr buyınça uquın tämamlıy.
Räşit Şamkay professional’ säxnä tormışın 1967nçe-1968nçe yıllarda Minzälä teatrında başlıy, 1968nçe yılnıñ közennän ul Kamal teatrında êşli.
Şamkay tışqı qıyäfäte belän ük komik janr artistı ide. Säxnädä dä ütä qızıq xarakterlı, komediyäçel tiplarnı gäwdäländerde.
Artist belän xuşlaşu irtägä bulaçaq. Anı xatınınıñ tuğan yağı – Arça rayonı Tübän Or awılında cirläyäçäklär.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
