İñ borınğı täñkä êşxanäse tabıldı

Qıtaynıñ Xênan’ vilayätendäge Guan’çjuan borınğı şähärendä dön’yanıñ iñ êlekke täñkä êşxanäse tabıldı.

Sputnik beldergänçä Angliyada basıluçı “Antiquity” jurnalı dön’yadağı iñ borınğı täñkälärneñ Qıtayda yasaluı belän bäyle tikşerenügä urın birde.

Tikşerenüdän kürengänçä Guan’çjuannıñ qaldıqlarında qazular başqarğan arxeologlar yaqınça 2600 yıl êlek keçkenä, köräk räweşendäge bronza täñkälärneñ citeşterelüen, tarixta belenüçe iñ borınğı täñkä êşxanäsen tabuların açıqladı.

Çjênçjou Universitetında arxeolog häm tikşerenü yazuçısı bulğan Xao Çjao Guan’çjuan şähäreneñ b.ê. qadär 800nçe yılda qorıluın, şähärdä bronza sawıt-sabalar häm qorallar yasalğan êşxanäneñ b.ê. qadär 770nçe yıllarda açıluın citkerde.

Tikşerenüçelär qazularda ike köräkkä oxşağan täñkä häm alarnı yasaw öçen qullanılğan distälärçä balçıq forması taptı.