AQŞ talağan muzeylar
Amerika Ğıyraqnı basıp alğan waqıtta urlanğan tarixi äsärlär kire qaytarıla
1685265
Ğıyraq qanunsız yullar belän ildän alıp kitelgän 17 meñnän artıq tarixi äsärne kire qaytaruların xäbär itte.
Tışqı êşlär ministrı Fuat Xösäyen beldergänçä, Amerika Quşma Ştatlarınıñ 2003nçe yıldağı basıp aluı waqıtında muzeylardan urlanğan êksponatlarnıñ qayberläreneñ yazmışları açıqlandı. Ul 2016nçı yıldan birle älege äsärlärne êzläwlären citkerde. Çit illärgä urlanğan 17 meñ 338 êksponatnı tapqannar. Alarnıñ 17 meñ 321e AQŞtan, 9ı Yaponiyädän, 7se Niderlandtan häm berse İtaliyädän kire qaytarıla.
Ğıyraq tışqı êşlär ministrlığı barlıq tabılğan tarixi äsärlärne mädäniyät ministrlığına tapşırdı.
AQŞnıñ 2003nçe yıldağı basıp aluı waqıtında Ğıyraqta küp kenä muzeylar talandı. Bağdadtağı muzey 12 yıl ütkäç 2015tä qabat açıldı.
