Ronaldu Juventusta qala

İtaliyäneñ 1nçe futbol ligası komandası “Juventus”nıñ viśe-prezidentı Pavel Nedved äytüençä, portugaliyäle yoldız Kriştianu Ronaldu kileşü waqıtı tulğanğa qadär komandada qalaçaq.  Ul cirle matbuğat çaralarına interv’yusında futbolçınıñ başqa komandağa küçerelüe turındağı süzlärneñ yalğan ikänen äytte.  

“Ronaldu irtägä trenirovkaların başlayaçaq häm bezdä qalaçaq. Kiläse sezonda kontrakt waqıtı tulğanğa qadär Ronaldu belän bergä däwam itäçäkbez,”-dide Pavel Nedved.

36 yäş’lek futbolçı uzğan sezon 29 gol kertte häm A seriyäsendä iñ yaxşısı buluın qabat kürsätte. Anıñ belän Angliyäneñ “Mançester Yunayted”, Portugaliyäneñ “Sporting Lisbon” häm Franśiyäneñ “Pari Sen-Jermen” komandalarınıñ qızıqsınuı äytelä.