Sümela monastıren torğızu êşçänlekläre axırına yaqınlaşa

Berläşkän Millätlär Oyışmasınıň mäğarif, fän häm mädäniyät oyışması YUNESKOnıň Bötendönya mädäni mirası waqıtlıça isemlegendä urın alğan Törkiyäneň möhim dini turizm üzäkläreneň berse bulğan Sümela monastıren restavraśiyäläwneň 80%ı tämamlandı.

Trabzon mädäniyät häm turizm mödire wäkiile Mostafa Asan äytüençä, Sümela monastırendäge torğızu êşçänleklärendä yaqınça 70 tiräse personal , şul isäptän 5 injener, 30 sänäğät’ al’pinistı, 35 texnik personal êşli.

Mostafa Asan: “Bezneň maqsat – êşne tiz arada tämamlaw häm monastır’ğa kilüçelär öçen açu”,-dide.

 Ul bilgeläp ütkänçä, torğızu êşçänlekläreneň 80%ı tögällände, qalğan êşlär bar köçenä däwam itä.

Mostafa Asan:”Sümela monastıre – mädäniyät häm turizm ministrlığınıň vizion proyektı. Bezneň maqsat – şähärebezdä, töbägebezdä häm ilebezdä daimi miras qaldıru. Mondıy äsärne saqlap qalu anı yasaw kebek ük awır. Ministrlıq bularaq bu êşne uňışlı başqaru öçen tırışabız”,-dide.