Ronaldu sośial’ mediadağı şöhräten arttıra

İtaliyanıñ “Yuventus” komandası formasın kiyüçe portugal futbolçı Kriştianu Ronaldu 530 millionğa yaqın fanatı belän sośial’ mediada iñ populyar şäxeslärneñ berse.

36 yäş’lek sportçı “Mançester Yunayted” (Angliya) häm “Real Madrid” (İspaniya) çorlarınnan soñ “Yuventus”ta totrıqlı uynawın däwam itä. Anıñ 3 sośial’ media platformasındağı yazıluçılar sanı 528 million 700 meñ. Ronaldu bu mäydanda 500 million çigen uzğan täwge keşe. Annan soñ 378 million yarım yazıluçı belän Kanadalı cırçı Djastin Biber häm 363 millionnan artıq yazıluçısı belän amerikalı sänğat’çe Ariana Grande kilä.

İspaniyäneñ “Barselona” klubında uynawçı argentinalı yoldız Lionel Messinıñ sośial’ mediada 309 million 800 meñ yazıluçısı bar. Älege alanda populyarlığın arttırğan tağın ber futbolçı – “Paris Sen-Jermen”däge braziliyäle yoldız Neymar. 29 yäş’lek sportçı 284 millionğa yaqın yazıluçısı belän sośial’ medianıñ iñ mäşhür futbolçılarınnan berse.

Törkiyäne alğanda, “Fenerbahçe” komandası formasın kigän Mäsut Özil tulayım 88 million 400 meñ yazıluçısı belän Super Liganıñ sośial’ mediadağı iñ populyar iseme.