“Nasıyp bulsa, bez – kandidat” büläk aldı

Dön’ya prem’yerasın Rotterdam fil’m festivalendä yasağan “Nasıyp bulsa, bez – kandidat” kartinası Belgradtan büläk belän qayttı. Bu Törkiyä belän Serbiyäneñ urtaq äsäre. Anıñ yazuçısı häm rejissyerı Ärcan Kesal. Videorejissyerı – Barbu Balasoyu.

Kartina Belgrad xalıqara fil’m festivalendä “İñ yaxşı berençe fil’m” bülägen aldı. Sśenarist häm rejissyer Ärcan Kesal pamdemiyä arqasında tantanada qatnaşa almıy. Ul tamaşaçılar belän uy-kiçereşlären video aşa urtaqlaştı. Ärcän Kesal anda Serbiyäneñ üz tormışında ayırım urın totuın, ätiseneñ uqu öçen alğan berençe kitaplarınnan berse İvo Andriçnıñ “Drina küpere” buluın söyläde. Soñınnan ul, Êmir Kusturiśanıñ çaqıruı buyınça, “Berwaqıt Anadoluda” fil’mı belän Serbiyägä baruların häm mäşhür rejissyernıñ üzenä şul uq kitapnı büläk itüen äytte. Bolar barısı Ärcan Kesal öçen bik mäğ’näle bula.

Fil’m avtobiografik. Anda yäş’ tabib Ärcan Kesalnıñ İstanbulda Bäyoğlu xakimiyäte başlığı kandidatlığına kandidat buluı turında süz bara.