Mäğarädä 40 kön

Franŝiyada ber törkem üzixtıyarıy mäğarädä 40 kön yäşäde.

Alarnıñ maqsatı keşeneñ izolyaŝiyada niçä kön qala aluın ülçäw ide.

“Tirän waqıt" isemle ğıyl’mi tikşerenü öçen Franŝiyadäge Ahäñ İnstitutı qoruçısı Kristian Klot liderlığında 27-50 yäş’lärendäge 15 üzixtıyarıydan toruçı törkem qorıldı.

Törkem 40 kön buyı ilneñ kön’yaq könbatışındağı Ar’yej töbägendä urnaşqan Lombrivs mäğaräsennän çıqmıy yäşäde. Bu waqıt êçendä mäğarädäge cılılıq 10 däräcä, dımlılıq küläme isä 95% ide.

Törkem mäğarädä çatırlarda yoqladı, velosiped pedal’lären äyländerde.

Üzixtıyarıylarnıñ yoqı tärtibe, ber-berse belän êlemtäläre häm üz-üzlären totışların sensorlar yärdämendä küzätep bardılar. Mäğarädägelär daruğa oxşağan häm êçendä termometr bulğan kapsula yotqaç tän cılılıqların tıştan kürep bulğan.

Töp ixtıyacların biologik sägät’kä häm yoqı ŝiklına qarap qanäğat’ländergän törkemneñ mäğarädä 40 kön urınına 31 kön qalğan kebek xis itüläre öyränelde.

Tikşerenüçelär mäğarädä waqıtnıñ tağın da äkren uzuın xis itülären äytte.