Äz yoqı aqılnı zäğıyf’lätä

Tikşerenügä kürä 6 sägät’ häm tağın da äz yoqlawçı keşelärdä yäş’ barğan sayın aqılğa zäğıyf’ qalu ixtimalı bik yuğarı.

“The Wall Street Journal” beldergänçä tikşerenü tönlä 6 sägät’ häm äzräk yoqlawçı 50 yäşendäge keşelärneñ, şul uq törkemdä tönlä 7 sägät’ yoqlawçı keşelärgä kürä aqılğa zäğıyf’ qalu ixtimalınıñ 22%ka yuğarı buluın kürsätte.

60 yäş’täge keşelärdä isä bu ixtimal - 37%.

Tikşerenü qısalarında 1985 yıldan birle yaqınça 8000 keşe küzätelde. İngliz belgeçläre qatnaşuçılar belän här 4-5 yılda anketa uzdırıp, alarnıñ yoqı tärtibe belän mäğlümatlar cıydı.

Älege êşçänlek bu ölkädäge iñ ozın tikşerenü buldı.

Tikşerenü näticäläre “Nature Communications” jurnalında açıqlandı.