Mersin zooparkında bäbilär tudı

Könçığış Urta diñgezneñ iñ zur zooparkı bulğan Mersindağı Tarsus tabiğat’ parkında tuğan babunğa “Nisan”, sırtlanğa “Seko” iseme birelde.

Tarsus Tabiğat’ parkında babun maymılı belän sırtlan bäbiläde.

Äniläre kire qaqqan bäbilär saqlaw astına alındı.

Tarsus Tabiğat’ parkındağı cawaplı veterinar Celal Çevirgenoğlu açıqlawına kürä zooparktağı yaña äğzalärneñ sälamätlege yaxşı wazğıyättä.

Tuğannan soñ Nisan belän Sekonıñ reanimaŝiyada yatuın äytkän veterinar: “Seko xäzergä bez aşatqanıbız öçen bezgä yaqın, anı äkrenläp yıraqlaştıraçaqbız. Çönki keşelärgä iyäläşmäwe kiräk. Monnan soñ tabiğat’ parkında yäşiyäçäk,” – dide.