NASA bäygesendä Van küle finalga uzdı / НACA бәйгeсeндә Вaн күлe финалга узды
Amerika Quşma Ştatlarınıñ NASA aviaśiya häm ğaläm agentlığı oyıştırğan "Dön’ya turnirı” isemle onlayn fotobäygedä ğalämnän töşerelgän Van küle fotosüräte finalgä uzğan ike fotografiyadan berse buldı
NASA tarafınnan oyıştırılğan "Dön’ya turnirı" isemle onlayn fotografiya bäygesendä bıyıl 8nçe martta 32 fotosürät täq’dim itelde.
Bäygedä Van küleneñ ğalämnän töşerelgän foto belän bergä “Xäräkätle yoldızlar” isemle fotografiya finalgä uzğan ike fotosürät buldı.
"earthobservatory.nasa.gov/tournament-earth" internet saytındağı tawışqa quyu 12nçe aprel’ könne Amerika Quşma Ştatlarınıñ cirle waqıtı belän säğät 12dä tamamlana.
Törkiyä êçke êşlär ministrı Söläyman Soylu bäygedä finalgä çıqqan Van küle fotografiyası öçen yaqlaw soradı.
Soylu “Twitter” akkauntınnan urtaqlaşqan yazmasında: "Zäñgär töse belän, tabiğate belän, barı tik cir östennän kürengän tiñsez üzençälege belän genä tügel, ber ük waqıtta ğalämnän kürengän maturlığı belän dä Van külebez NASAnıñ onlayn bäygesendä finalgä uzdı”, - dip äytte.
Mädäniyät häm turizm ministrı Mäxmät Nuri Ärsoy da sośial’ media akkauntınnan Van küle fotosüräte öçen yaqlaw sorap: “Ğalämnän dä xätta taswirlanğan ilebezneñ şuşı tiñsez maturlığına” tawış birergä çaqırdı.
Yäş’lär häm sport ministrı Mäxmät Möxarräm Kasapoğlu da: "Van külebez ğalämnän dä başqa törle matur”, - dip Van küle öçen tawış birergä öndäde.
Moxitnı saqlaw häm şähär tözeleşe ministrı Murat Kurum da: “Ğalämnän töşerelgän tiñsez fotografiyası belän finalgä kergän ilebezneñ êncese Van küle öçen tawış birik. İlebezneñ siräk güzällegen bergäläp berençelekkä alıp barıyq”, - dip äytte.
İlbaşı Räcäp Tayyip Ärdoğannıñ xäläl cefete Äminä Ärdoğan da sośial’ media akkauntınnan Van küle fotosüräte öçen yaqlaw çaqıruın yasağan ide.
