Bıyıl Yevrovideniye uzaçaq

Uzğan yılnı koronavirus kizüe arqasında oyıştırılmağan Yevrovideniye cır bäygesenä bıyıl çikle sandağı tamaşaçı belän ütkärelüenä röxsät birelde.

Yevrovdeniye 2019da bäygedä berençelekne yawlağan Niderlandnıñ Rotterdam şähärendä uzaçaq.

Ciñüçe Danken Lorens bulğan ide.

Niderland xökümäte bıyıl uzuı qatğıylaşqan bäygedä 3500 tamaşaçınıñ qatnaşuına röxsät birde.

Tamaşaçılar zalğa kergänçe koronavirus testı yasataçaq.

Niderlandta qırıs çikläwlär däwam itä.

Uzğan atnada prem’yer-ministr Mark Rutte ildä uramğa çığu tıyuı häm qalğan koronavirus çikläwläreneñ bu ay azağına qadär ozınaytılaçağın açıqlağan ide.

İldä awıru oçraqlarınıñ artuına qarap tamaşaçı sanınıñ azaytıla alınaçağı belderelä.