Tağın ber Kolizey tabıldı

İtaliyäneñ başqalsı Rimdağı tarixi Kolizeyğa oxşaş qorılma Törkiyäneñ Aydın töbäge Nazilli rayonında tabıldı. Mastaura antik qalasındağı açışnı tufraq astınnan çığaru öçen êşçänlek başlandı. Zäytün häm incir ağaçları üsep utıruçı baqça astında saqlanğan qorılmanıñ barlıq üzençälekläre isän buluın belderälär.

Tarixi tabıldıq belän çit illärdä qızıqsınuçılar da küp. Böyekbritaniya gazetları bu xaqtağı xäbärne “Törkiyädä tabılğan Rim arenası” başçası belän birde.

Mäydanda Aydınnıñ Adnan Menderes isemendäge universitet belgeçläre qazınu êşläre alıp bara. Arxeologiyä fakul’tetı uqıtuçısı Sedat Akkurnaz bolay dip söyli: “Anadoluda işe bulmağan, Greśiyädä, Misırda da oxşaşı oçramağan amfiteatr-arena diyelüçe köräş mäydanı taptıq.  Diametrı yaqınça - 100, biyeklege – 35-40 metr. Xäzergä qadär saqlanğan küñel açu urını. Könçığış Urta diñgez basseynında iñ yaxşı saqlanğan ürnäk”.

Tarixi qorılmanı qazıp çığaru häm turistlarğa kürsätü öçen röxsät alınğan.

Arena tulısınça açılğannan soñ anıñ dön’ya külämendä iğ’tibar cälep iteläçäge kötelä.