Märsindä 8 meñ yıl êlek yasalğan räsemnär tabıldı

Törkiyäneñ Märsin töbägendä ber mäğarädä 8 meñ yıl êlek qıyalarğa töşerelgän räsemnär tabıldı. Cirlektä mädäniyät häm turizm ministrlığı, İstanbul häm Kutax’ya universitetları urtaq tikşerenü alıp bara. Älege qısalardağı êşçänlek näticäsendä Ärdämli rayonında Alata üzänlegendäge taşlı tekä yarda ber mäğarädä 15kä yaqın räsem tabıla.

Qıyağa töşerelgän räsemnär arasında keşe, xaywan häm törle geotik figuralar bar. Älege tabıldıq fän ähellärendä zur qızıqsınu uyattı. Alarnıñ şaqtıy ähämiyätle buluın assızıqlıylar. Şulay uq, Latmos tawlarındağı qıya räsemnäre belän oxşaşlıqqa iğ’tibar cälep itelä.

Tabıldıqnıñ Märsin töbägeneñ bilgele bulmağan borınğı çorların açıqlawğa yärdäm itäçägen uylıylar.