AQŞta törek telendä televideniye kanalı
Amerika Quşma Ştatlarında êşçänlek alıp baruçı Törek-Amerikan milli idarä itü komitetı ildä yäşäwçe törek watandaşların häm qawemdäşlären bergä cıyu öçen täwlek buyı tuqtawsız tapşıruların alıp baraçaq “TASC TV” isemle televideniye kanalın tözede
1585518
“TASC”tan yasalğan yazma belderüdä: "TASC Amerikada yäşäwçe törek watandaşlarıbıznı, qawemdäşlärebezne häm möselman xalqın bergä cıyıp, törek diasporabıznıñ tawışın tağın da köçle itep işetterü öçen adım yasıy. “TASC TV” turıdan-turı häm interaktiv tapşıruları belän här kön häm här säğättä ireşelerlek buluı belän bergä watandaşlarıbıznıñ da üz arada êlemtädä buluın täêmin itäçäk oçraşu urını bulaçaq”, - dip äytelde.
Sınap qaraw tapşırularına 2020nçe yılnıñ 16nçı noyabr könne internet aşa başlağan televizion kanalınıñ ber aylıq 1 million tamaşaçığa citüe assızıqlanğan belderüdä kanalnıñ “Youtube” belän bergä böten sośial’ media platformalarınnan özleksez tapşırılaçağı, soñınnan tapşırularnıñ iyärçen aşa citkereläçäge belderelde.
