“İslamofobiyane yaxşılıq belän beterik”

Prem’yer-Liga taqımnarınnan Arsenalnıñ törek futbolçısı Mäsut Özil İslamğa qarşı doşmanlıqnı yaxşılıq belän beterergä çaqırdı.

Futbolçı Twitter akkauntında açıqlaw yasap, İslamofobiya häm İslam doşmanlığınıñ Awrupa belän ber rättän bar dön’yada artuın, monda isä medianıñ zur rol’ uynawın belderde.

“İslamofobiyağa anı tiränäytmäyäçäk räweştä cawap birergä kiräk. Anı yaxşılıq belän beterü zarur,” – dide ul.

32 yäş’lek futbolçı Qor’än-i Kärimneñ Fussilät süräsendäge “İgelek belän yamanlıq ber bulmas. Sin yamanlıqnı igelegeñ belän bas. Şulay ğamäl qılğanda, ikegezneñ arağızdağı doşmanlıq betär, sez duslaşırsız” ayäten dä urtaqlaştı.