"Altın tup" bıyıl berkemgä dä birelmi

Yılnıñ iñ yaxşı futbolçısına birelüçe “Altın tup” (Ballon d'Or) büläge bıyıl koronavirus kizüe arqasında tapşırılmayaçaq.

“France Football” jurnalı tarafınnan oyıştırıluçı çara 1956nçı yıldan birle täwge tapqır ğamälgä aşırılmıy qala. Basmadan belderülärençä, Kovid-19 säbäple citärlek şartlar tumadı, şuña da futbolçılarnı berdäy häm ğadel räweştä bäyäli almayaçaqlar. Näticädä, çaranı bıyılğa ütkärmi torırğa qarar qılına.

Yılnıñ iñ yaxşı ir-at futbolçısına birelüçe “Altın tup” bülägen uzğan yıl Lionel’ Messi alğan ide.