Kapadokiyädä rekord quydılar
Uzğan yıl älege ğacäyep cirlekkä härwaqıttağıdan kübräk turist kilgän
Tabiğat’, tarix häm mädäniyät turizmınıñ ähämiyätle üzäklärennän berse - Kapadokiyädäge muzey häm tarixi urınnarnı kilep kürgän turist sanı 2019nçı yılda rekord yasadı. Anda 3 million 834 meñnän artıq keşe kilgän.
Ğacäyep taw qıyaları belän qaplanğan üzänleklär, taşqa uyıp yasalğan monastır’lar, cir astı şähärläre belän tanılğan cirlek dön’yanıñ här poçmağınnan turistlarnı üzenä tartıp tora. Alar öçen hawa şarları turı häm bik küp başqa çaralar oyıştırıla.
Törkiyäneñ älege töbägendä uzğan yıl “altın yıl” bularaq bäyälände. Turist sanı aldağı yıl belän çağıştırğanda 30%qa, 2017nçe yıldan isä 73%qa artıq.
Nevşähär mädäniyät häm turizm idaräse mäğ’lümatlarına qarağanda, iñ uñdırışlı ay avgust bulğan. Anda cirlek 566 meñ turistnı qunaq itkän.
Kapadokiyädä 2020nçe yılda 5 million turist kötälär.
